|
ON TI DANS
Nou doubout la, yen’ ka gadé lot
De tanzantan zyé annou kaye si lézot
Anpa konprann’ sa ki tini
Apa sa nou tédi
On ti dansé an mandé
Sé vré tin’ bon mizik
Ki antrénan et majik
Nou ké lésé-nou alé
Ewi nou ké fè on ti palé
Lé-zot ke gadé….
Dé-ti mo an zôrèye-aw
On-ti frison ké an kô-aw
Men rasiré-ou, ayen péké monté
Ayen péké pasé
An nou fê jis on-ti dans…
Denyé fwa ke nou dansé
Mondyé ! ! ke sa té byen …
Sonjé ti kô-aw si mwen
Sa pa fê ayen
Jôdi ni bon mizisyen
Bontan pou pran le pyé
An-té vlé rikomansé
Sel biten an ka mandé
Nou péké séré
Sèlman nou ké dansé
Asi onti môso de chwa
Nou péké « fê nwa »
Anpa jan aprann’ fè sa
Anpa konnèt dansé konsa.
Mizik-la ja près’ fini …
Toutalè nou ké pati.
Alô manmzel, on denyé fwa
Pa di mwen awa
An-nou dansé
Nou vin pou amizé.
H. SENE
|
